Festivali i 15-të në historinë e festivaleve të këngëve, cilësohet si një ndër festivalet më të politizuar. Këngë dhe krijime muzikorë te vlerësuara për ideologjinë e kohës, të cilat i dedikoheshin socializmit dhe gjithçka kishte lidhje me propagandën e kohës. Ai u mbajt në datat 25, 26 dhe 27 dhjetor të vitit 1976 në sallën e Teatrit të Operas dhe Baletit. Fituesja e ketij edicioni ishte Vaçe Zela, tashmë mbretëreshë në këtë ngjarje të muzikës, kjo prej numrit të lartë të fitoreve. “Nënë moj do pres gërshetin”, titullohej kënga fituese e shkruar nga Hysni Milloshi dhe kompozuar nga Avni Mula.