Eli FARA & STRESI - Bohem

Eli Fara | Biografia


Koha për Eli Farën duket se ka ndaluar, por për karrierën e saj është përshpejtuar duke numëruar mbi 30 vite në skenë.

\n

E ka nisur rrugëtimin e saj në muzikë në Festivalin e Gjirokastrës në vitin 1983 duke u pasuar me një 5 vjeçar shkollimi për kanto, për tu rikthyer sërish në të njejtën skenë, në vitin 1988. Në të dyja pjesëmarrjet e saj, Eli është vlerësuar me çmimin e madh, “Laureat i Festivalit”.

\n

Në vitin 1989, këngëtarja emblemë e muzikës qytetare korçare u nderua me çmimin e parë në spektaklin “Mbrëmja e Muzikës Popullore”, ndërkohë që në 1995, vlerësohet me çmimin e dytë në konkursin muzikor “Kënga Popullore”.

\n

Dhe kur flasim për Eli Farën na vijnë në mendje dhjetra këngë e hite në 3 dekada, si “Të dua për vete”, “Sonatë”, “Qeraxhiu i Grebenesë”, “25 Gërsheta”, “Me mua mos”, “Romale” apo Dënglat”, të cilat i kanë dhënë artistes qindra mijëra CD dhe kaseta të shitura e milion klikime.

\n

Në janar të vitit 2017, Eli Fara nderohet nga Presidenti i Republikës me titullin “Mjeshtre e Madhe” duke vulosur kështu trashëgiminë e Elit në këngën qytetare shqiptare.

\n

Pas dhjetra çmimeve dhe mijëra koncerteve, Eli Fara ngjitet në Festivalin e Këngës duke sfiduar breza e duke u bërë një vlerë e shtuar e eventit muzikor të vitit!

Stresi | Biografia


Stresi është një nga reperët më të pëlqyer nga adoleshentët dhe të rinjtë shqiptarë e kjo e ka një arsye. Gjatë një karriere që nisi në vitin 2008 e që vazhdon prej 11 vitesh pandërprerë, Stresi i ka dhuruar publikut mjaftueshëm hite e këngë…

\n

Pas themelimit të label-it “Bad Boys for Life” në 2008, Stresi publikoi këngën “Hajd me mu” dhe më pas këngët “Hi” apo “My Love”.

\n

Albumi i vitit 2010, “Rrugë pa kthim” i dha Stresit miliona klikime në YouTube.

\n

Stresi ka vendosur të thyejë çdo pritshmëri e të ngjitet në skenën e Festivalit të 58-të të Këngës bashkë me Eli Farën… se çfarë do të bëjnë, askush s’e di!

Këngët Konkurruese