Ngjitja në skenën magjike të Fest 63 nuk ka qenë e lehtë, por një rrugë e mbushur plot sfida për artistët pjesëmarrës në garë. 4 minutat e interpretimit të tyre në skenë janë vetëm “maja e ajsbergut” e ditëve dhe netëve të mbushura me prova, “pluhurin” e skenës, për të arritur nivelin thuajse të përsosur të interpretimit skenik.
Kjo rrugë deri në skenë është e mbushur edhe me plot prapaskena, të cilat në shumicën e rasteve nuk shihen nga sytë e publikut, por që, Andri Xhahu dhe Alesia Burnazi, do t’i zbulojnë menjëherë pas interpretimit të tyre në skenën e Fest 63.
