Kanë nisur përgatitjet për festivalin e 63-të të Këngës në Radio Televizionin Shqiptar, i cili duket se do të vijë me një koncept krejt të ri dhe me surpriza të shumta.
Artistët pjesëmarrës kanë nisur xhirimet e klipeve të tyre ndërsa shumë shpejt pritet të shpallet data e prezantimit të këngëve për publikun.
Krahas emrave të spikatur të skenës shqiptare, pjesëmarrës në këtë edicion të 63-të do të jenë edhe artistët e rinj të talentuar disa prej të cilëve do të ngjiten për herë të parë në shkëlqimin e skenës së festivalit të fund vitit, një ekskluzivitet ky i Radio Televizionit Shqiptar.
Në total janë 30 artistë pjesëmarrës të cilët do të garojnë për të rrëmbyer trofeun e këtij viti, fituesi i të cilit do të përfaqësojë Shqipërinë në Eurovizion 2025 .
Festivali i 63-të i Këngës do të vijë nën drejtimin artistik të këngëtares dhe artistes së mirënjohur Elhaida Dani.
/RTSH/
