Çdo transmetues pjesëmarrës do të përkthejë të gjithë tekstin e mëposhtëm në gjuhën e tij amtare dhe publikoni versionin kombëtar të tij në faqen e tij të internetit ku mund të jetë lehtësisht i aksesueshëm nga shikuesit dhe duhet të plotësoni Formularin B-2 të bashkengjitur këtu përpara se t'ia kthejmë atë partnerit të votimit deri më 14 prill 2023: @ESC2023@digame.de
Informacioni i mëposhtëm synon t'ju ofrojë ju si pjesëmarrës në televotimin e Eurovizionit 2023 (Televotim) një përmbledhje të të dhënave personale që mbledhim dhe përpunojmë rreth jush kur votoni nëpërmjet thirrjes telefonike dhe për të drejtat tuaja sipas ligjit për mbrojtjen e të dhënave.
Si kontrollues të përbashkët të të dhënave, ne EBU- ja (The European Broadcasting Union – Union Européenne de Radio Télévision, L’Ancienne-Route 17A, 1218 Le Grand- Saconnex, Genève, Switzerland, së bashku me RADIO TELEVIZIONIN SHQIPTAR (RTSH), rruga “Ismail Qemali”, Nr.11, Tiranë duke vepruar si transmetues pjesëmarrës për Shqipërinë në ESC 2023 dhe transmetuesit e tjerë pjesëmarrës që marrin pjesë në ESC 2023 (lista e të cilëve përfshihet në fund të këtij njoftimi). dhe Digame GmbH, Schanzenstrasse 38, D-51063 Cologne, Germany, (kompania) janë të përkushtuar të mbrojnë të dhënat tuaja personale dhe të respektojnë privatësinë tuaj në përputhje me ligjet në fuqi për mbrojtjen e të dhënave, veçanërisht Rregulloren e Përgjithshme të BE-së për Mbrojtjen e të Dhënave 2016/679 (GDPR) dhe Aktin Federal Gjerman për Mbrojtjen e të Dhënave (BDSG). Ne nuk do t'i përdorim të dhënat tuaja personale për qëllime të tjera përveç atyre të përcaktuara më poshtë.
EBU, Transmetuesit Pjesëmarrës dhe Kompania kanë ekzekutuar marrëveshje specifike dhe të veçanta të kontrollorëve të përbashkët në përputhje me nenin 26 të GDPR, përmbajtja kryesore e të cilit është e disponueshme sipas kërkesës në ambientet e EBU ose të Kompanisë.
Cilat kategori të të dhënave personale do të konsiderohen të nevojshme?
Ne do të përpunojmë vetëm të dhënat personale që marrim kur ju votoni ose me telefonatë ose duke dërguar mesazhe SMS (qoftë të dërguara drejtpërdrejt ose nëpërmjet aplikacionit ESC) duke përdorur lidhjet e ofruara nga ofruesi juaj i rrjetit fiks ose celular ose ofruesi i pagesave.
Kur e bëjmë këtë, ne – në varësi të vendit tuaj të origjinës – do të mbledhim nga ju kategoritë e mëposhtme të të dhënave nëse është e aplikueshme:
- Numri juaj i telefonit celular (MSISDN – Numri i Rrjetit Digjital të Shërbimeve të Integruara të Stacionit Celular) ose numri i telefonit fiks (CLI – Identifikimi i linjës së telefonuesit)
- Data dhe ora në të cilën keni marrë pjesë në Televotim
- Numri i këngës që keni votuar
- Emri i ofruesit tuaj të rrjetit fiks ose celular
- Lloji i kontratës së ofruesit të rrjetit që keni (me parapagesë, kontratë)
- Mënyra e pagesës dhe origjina që është zgjedhur.
Cilat janë qëllimet e përpunimit dhe cila është baza ligjore për këtë?
Ne i përpunojmë të dhënat tuaja personale në bazë të interesit tonë legjitim (Neni 6 Para. 1 (f) GDPR) me qëllim:
- llogaritjen dhe gjenerimin e rezultateve të vlefshme dhe zyrtare të ESC-së në bazë të votave të audiencës (përfshirë tuajën) për të gjeneruar rezultatet zyrtare që përcaktojnë renditjen e këngëve të futura në ESC dhe fituesin e saj;
- gjenerimi i statistikave të grumbulluara për votimin në ESC;
- publikimi i rezultateve/votave të grumbulluara dhe anonime.
Kush do të ketë akses në të dhënat tuaja personale?
Për të marrë pjesë në Televotim, ju do të përdorni një shërbim telekomunikacioni të lehtësuar nga transportuesi juaj kombëtar i telekomunikacionit dhe/ose grumbulluesi i cili mund t'i përcjellë një pjesë ose të gjitha të dhënat tuaja personale kompanisë për të mundësuar llogaritjen e një rezultati të vlefshëm të audiencës.
Brenda Kompanisë, të dhënat tuaja personale do të bëhen të disponueshme për departamentet që kanë nevojë për to për të përmbushur detyrimet kontraktuale dhe ligjore të kompanisë. Ofruesit e shërbimeve dhe agjentët zëvendësues që punojnë për Kompaninë mund të marrin gjithashtu të dhëna personale për qëllime të tilla, me kusht që të marrin përsipër të ruajnë, në veçanti, konfidencialitetin dhe integritetin. Marrës të tillë mund të jenë, për shembull, ofrues të shërbimeve të IT-së ose telekomunikacionit.
Nuk do të ketë transferim të të dhënave personale për marrësit jashtë Kompanisë. Përderisa EBU është kontrollues i përbashkët me Transmetuesit Pjesëmarrës dhe Kompaninë në lidhje me Televotimin, Kompania nuk do t'i transferojë të dhënat tuaja personale tek EBU dhe Transmetuesit pjesëmarrës të cilët do të marrin nga Kompania vetëm rezultate anonime për qëllimet e listuara më sipër. Do të publikohen vetëm rezultatet e grumbulluara dhe anonime.
A do të transferohen të dhënat personale në një vend të tretë apo një organizatë ndërkombëtare?
Votat e hedhura jashtë Gjermanisë do t'i transferohen Kompanisë në Gjermani për t'i përpunuar ato dhe nuk do të operohet asnjë transferim i mëtejshëm. Kompania nuk do të transferojë të dhëna personale në vende të treta jashtë Zonës Ekonomike Europiane.
Sa kohë do të mbahen tek ne të dhënat e mia personale?
Kompania do të përpunojë dhe ruajë të dhënat tuaja personale për aq kohë sa kërkohet për të përmbushur detyrimet tona kontraktuale dhe ligjore.
Pasi të dhënat personale të mos kërkohen më për të përmbushur detyrimet kontraktuale ose ligjore, ato do të fshihen rregullisht, përveç nëse përpunimi i tyre i mëtejshëm – për një periudhë të caktuar kohore kërkohet për qëllimet e mëposhtme:
- Përmbushja e detyrimeve të ruajtjes lidhur me ligjin tregtar dhe tatimor,
- Kodi Tregtar Gjerman (HGB), Kodi Tatimor (AO), Akti i Pastrimit të Parave (GwG). Këto ligje përgjithësisht specifikojnë periudhat e ruajtjes për qëllime arkivimi dhe dokumentimi që variojnë nga dy deri në dhjetë vjet.
Cilat janë të drejtat tuaja?
Ju keni të drejtë të aksesoni të dhënat tuaja personale dhe të kërkoni që ato të korrigjohen në rast pasaktësie ose të fshihen në rast se nuk janë më të nevojshme në lidhje me qëllimet për të cilat janë mbledhur dhe përpunuar.
Në disa raste, ju keni të drejtë të kërkoni një kufizim të proçesit, për transportueshmëri të të dhënave ose të kundërshtoni proçesin. Çdo pëlqim që jepni për përpunimin e të dhënave tuaja personale nga ne mund të tërhiqet në çdo kohë. Ju lutemi vini re se tërheqja e pëlqimit do të zbatohet vetëm për të ardhmen. Proçesi që ka ndodhur përpara tërheqjes së pëlqimit nuk do të ndikohet prej tij.
Ju mund të ushtroni të drejtat tuaja duke dërguar kërkesën tuaj me postë në privacy@digame.de.
Nëse konsideroni se përpunimi i të dhënave tuaja personale përbën shkelje të ligjit(eve) për mbrojtjen e të dhënave, ju keni të drejtë të paraqisni një ankesë pranë një autoriteti mbikëqyrës, veçanërisht në Shtetin Anëtar të Bashkimit Evropian të vendit tuaj të zakonshëm të vendbanimin, vendin tuaj të punës ose vendin ku ka ndodhur shkelja.
Si mund të kontaktoni zyrtarët tanë të Mbrojtjes së të Dhënave?
Nëse keni ndonjë pyetje ose shqetësim në lidhje me këtë njoftim të privatësisë, mund të kontaktoni:
Oficeri i Mbrojtjes së të Dhënave të Kompanisë në privacy@digame.de
Data e hyrjes në fuqi dhe ndryshimet
Ky Njoftim i Privatësisë hyn në fuqi nga 20 Mars 2023
Ne rezervojmë të drejtën, sipas gjykimit tonë të plotë, për të ndryshuar, modifikuar, shtuar ose hequr pjesë të këtij Njoftimi të Privatësisë në çdo kohë.
