Ukraina është fituesja e Eurovision 2022. Kalush Orchestra me këngën ‘Stefania’ rrëmbyen vendin e parë duke marrë 631 pikë dhe ishin votat e publikut ato që bënë diferencës.
Ukraina pati një mbështetje të madhe nga publiku, ndërsa kënga fituese është një dedikim për të gjitha nënat ukrainase.
Mbështetja është edhe mesazh i qartë që i jepet Ukrainës në një kohë që po përjeton agresionin rus.
“Faleminderit që mbështesni Ukrainën. Kjo fitore është për çdo ukrainas”, thanë fituesit.
Një spektakël plot emocione e performanca fantastike solli finalja e madhe e Eurovision 2022 në ‘Pala Olimpiko’ në Torino të Italisë.
Në vendin e dytë doli Britania e Madhe dhe në vendin e tretë Spanja.
Shqipëria u përfaqësua këtë vit me këngëtaren Ronela Hajati me këngën Sekret por që nuk mundi të kualifikohet në finale.
/rtsh.al/
