Emocionet e këngëtarëve pjesëmarrës në FEST 59 ndërthuren me dëshirën për të qenë pranë publikut të ketij festivali, edhe pse këtë herë ai do t'i ndjekë nga ekrani i RTSH-së. Një edicion i jashtëzakonshëm i cili tregon edhe njëherë forcën e madhe qe ka arti e në veçanti muzika.
Inis Neziri vjen për herë te dytë në Festën e Këngës. Një tjetër baladë e saj e fuqishme e cila nxjerr në pah vokalin e saj brilant. Ndonëse e re ajo ka një eksperiencë te konsiderushme e cila fillon që në vitet e para të fëmijërisë e deri në ditët e sotme ku vjen si fituese e shumë çmimeve si brenda dhe jashtë vendit. Festivali i 57-të e vlerësoi me vendin e tretë me këngën Piedestal, ndërkohë që vetë Inisi tregon se dëshira dhe ëndrra e saj fluturon drejt Eurovisionit.
