Festivali 1

Viti 1962

20 këngë konkurruese.

Udheheqës artistik: Abdulla Grimci

Regjisor: Luigj Gurakuqi

Skenograf: Shaban Hysa

Dirigjent: Kristo Kote

Orkestra e madhe: Radiodifuzioni

Prezantues: Margarita Xhepa, Luigj Gurakuqi.

Festivali  i parë i Këngës u mbajt me 21, 22, 23 dhe 26 dhjetor  te vitit 1962. Nën prezantimin e Margarita Xhepa dhe Luigj Gurakuqit. Kënga e lehtë shqiptare kishte nisur udhën e saj në Radio Tirana. Ishte krijuar Orkestra e Radio Tiranës. Nga jashtë vendit ishin kthyer mjaft kompozitorë të rinj, që do tí jepnin tonin, muzikës shqiptare më  pas. Të frymëzuar prej Festivalit të Këngës Italiane, Sanremo, i cili kishte 9 vite që zhvillohej në Itali, frymëzuar prej këtij festivali, kompozitorët tanë menduan të sillnin një traditë të tillë edhe në Shqipëri.  Suksesi i Festivalit të parë qe i dukshëm në atë kohë. Kishte interes të lartë në Institutin e Lartë të Arteve, të ndiqnin këtë ngjarje të muzikës së lehtë shqiptare. Si në muzikë, po kështu edhe në tekste, festivali i parë mbetet përpjekja më e guximshme dhe më e suksesshme e krijimtarisë artistike shqiptare.Vaçe Zela, u vlerësua si këngëtare, me këngën “Fëmija i parë”, kompozuar nga Abdulla Grimci dhe me tekst të Dionis Budani.