Festivali 32

Viti 1993

Drejtor i Festivalit: Arben Kallamata

Udhëhëqes artistik: Zhani Ciko

Regjisor: Leonard Gjata

Skenograf:  Ibrahim Sylaj, Ramadan Aliu

Skenari: Mishel Koçiu

Dirigjent: Ferdinand Deda, Shpëtim Saraçi

Orkestra Simfonike: Radio Televizioni Shqiptar

Prezantues: Silvana Braçe, Ndriçim Xhepa

Festivali i 32-të i Këngës, u zhvillua në datat 23, 24, 25, 26 dhjetor të vitit 1993, në sallën e Pallatit të Kongreseve, në Tiranë. Ky festival sërish njeh konkurrime të shumë artistëve më në zë të kohës, për të mos munguar as prezantime të krijuesve të rinj , si kompozitorë, por edhe këngëtarë. Koha tregoi se shumë artistë të rinj si Rovena Dilo, Alma Bektashi, Aleksandër Gjoka, Aurela Gaçe, etj… do të mbeteshin artistët e preferuar të viteve në fjalë të cilët shpesh u vlerësuan me çmime të para. Në festivalin e 32-të u vlerësua me çmim të parë kënga “Kur e humba nje dashuri” e kompozuar nga Vladimir Kotani, dhe poet Jorgo Papingji, kënduar nga Manjola Nallbani, e cila për të dytin vit rradhazi triumfon.